Vanessa Raval, naglabas ng saloobin kaugnay sa umano'y pagtanggi sa kanya

Sinabi ni Vanessa Raval na gumawa umano siya ng isyu para pagtakpan ang taong hindi niya binanggit kung sino. Gayunpaman aniya, mahal pa rin niya ito kahit itinanggi siya.

Kahit binura ni Vanessa ang Facebook post niyang ito, marami sa mga netizens ang nakakuha ng kopya kaya kumalat pa rin ito sa social media.

Sa isa pang post ay inamin niyang scripted at gawa-gawa lamang niya ang kanyang post na talaga namang lumikha ng ingay kamakailan. Sa kanyang bagong post ay humingi siya ng dispensa sa kanyang nagawa dahil sumugal lang daw siya sa mga taong mahal niya sa buhay.

Si Vanessa Raval ay nakilala bilang anak ng dating action star na si Jeric Raval. Kilala din siya sa kanyang mga social media content at sa kanyang pagiging prangka sa mga inilalabas niyang komento at reaksiyon. Mayroon na ring daang libong followers ang kanyang iba't-ibang social media account. Kapatid niya ang maituturing na isa sa pinaka-kontrobersiyal na aktres sa kasalukuyan, si AJ Raval.